Morgan Sanson «Nitsa»ni tark etishi mumkin
Yarimhimoyachi Morgan Sanson yanvar oyida yetarli o‘yin amaliyoti yo‘qligi sabab «Nitsa»ni tark etishi mumkin. Bu haqda L’Équipe nashri xabar bermoqda.
Futbolchi 2023 yilda «Aston Villa»dan ijara asosida «burgutlar» safiga kelib qo‘shilgan va asosiy tarkibning muhim futbolchisi sifatida o‘zini ko‘rsata olgan edi. 2024 yilda Morgan fransuz klubi bilan to‘liq shartnoma imzoladi, biroq o‘tgan mavsumning katta qismini jarohat sabab o‘tkazib yubordi. Uning pozitsiyadagi raqiblari — Sharl Vanhaut va Salis Samedning yozda klubga kelishi asosiy tarkibdan joy olish uchun raqobatni yanada kuchaytirdi.
Joriy mavsumda Sanson barcha musobaqalar doirasida 20 ta uchrashuvda maydonga tushgan bo‘lsa-da, Liga 1 bahslarida atigi uch marta boshlang‘ich tarkibdan joy oldi.
