«Monako» Fransiya chempionatida ketma-ket yettinchi g‘alabasini qo‘lga kiritdi
Hozirda monegasklar Liga 1 turnir jadvalida beshinchi oʻrinni egallab turibdi.
FOTO: Getty Images
Liga 1'ning 28-turida «Monako» o‘z maydonida «Marsel» jamoasini 2:1 hisobida mag‘lub etdi. Ushbu natija evaziga monegasklar chempionat doirasidagi ketma-ket yettinchi g‘alabasini tantana qilishdi.
Jamoaning ushbu muvaffaqiyatli yurishi 22-turda «Nant» ustidan qozonilgan g‘alaba (3:1) bilan boshlangan edi. Shundan so‘ng «Monako» quyidagi jamoalarni mag‘lub etishga muvaffaq bo‘ldi:
- «Lans» (3:2)
- «Anje» (2:0)
- «PSJ» (3:1)
- «Brest» (2:0)
- «Lion» (2:1)
- «Marsel» (2:1)
Mazkur g‘alabali seriya jamoaning turnir jadvalidagi o‘rnini sezilarli darajada mustahkamladi. Hozirda «Monako» 28 o‘yindan so‘ng 49 ochko jamg‘argan holda Fransiya oliy divizioni jadvalida 5-o‘rinni egallab turibdi.
«Monako» o‘zining navbatdagi bahsini 10 aprel kuni safarda «Parij» jamoasiga qarshi o‘tkazadi.
Nasrullo Karimov
Jurnalist