\"Monako\" Fati bilan kelishuvga erishdi
Photo: Getty Images
"Barselona" vingeri Ansu Fati tez orada "Monako"da paydo bo‘lishi mumkin.
Insayder Fabrizio Romanoning ma'lumotlariga ko‘ra, klublar sotib olish imkoni ham kiritilgan ijara shartnomasining so‘nggi tafsilotlarini muhokama qilishmoqda.
Fati bir necha kun ichida yangi jamoasi uchun tibbiy ko‘rikdan o‘tadi va shartnoma imzolaydi. Shundan so‘ng, "Monako" uning transferini rasman e'lon qiladi.
Avvalroq jamoa Pol Pogba bilan ham kelishuvga erishgani haqida xabarlar tarqalgandi.
O‘tgan mavsum Fati Ispaniya chempionatida 6 ta o‘yin o‘tkazdi, ammo maydonni golsiz tark etdi.