Modrich klublar o‘rtasidagi JCHdan so‘ng \"Milan\" bilan shartnoma imzolaydi
Photo: Getty Images
Luka Modrich klublar o‘rtasidagi jahon chempionatidan so‘ng “Milan” uchun tibbiy ko‘rikdan o‘tadi.
Insayder Fabritsio Romanoning xabar berishicha, 39 yoshli xorvatiyalik futbolchi ayni paytda butun e’tiborini “Real” bilan klublar o‘rtasidagi jahon chempionatiga qaratgan.
Modrich Madrid klubi bilan shartnomasi yakunlanganidan so‘ng jamoani tark etadi. So‘ngra “Milan” a’zosiga aylanadi. U italiyaliklar bilan “1+1” ko‘rinishidagi shartnoma imzolaydi. Yiliga 3-3,5 mln yevro maosh olishi mumkin.
O‘tgan mavsum Modrich “Real” safida La Ligada 35 o‘yinda maydonga tushib, 6 ta golli uzatmani amalga oshirdi.
