MLS. Messi o‘ynagan bahsda «Inter Mayami» «Nyu-Inglend Revolyushn»ni yenga olmadi
Messi maydonni golsiz tark etdi.
ФОТО: Getty images
MLS doirasida “Inter Mayami” o‘z maydonida “Nyu-Inglend Revolyushn”ni qabul qildi. Uchrashuv 1:1 hisobidagi durang bilan yakunlandi.
Mehmonlar hisobni 56-daqiqada ispaniyalik yarim himoyachi Karles Xilning goli bilan ochdi. Maydon egalari safida yagona golni 76-daqiqada argentinalik hujumchi Xerman Berterame kiritdi.
“Inter Mayami” 9 ta uchrashuvdan so‘ng 19 ochko bilan Sharqiy konferensiyada ikkinchi o‘rinda bormoqda. Foksboro jamoasi esa 16 ochko bilan uchinchi pog‘onada joylashgan.
Keyingi bahsda “Inter Mayami” 3 may kuni o‘z maydonida “Orlando Siti”ni qabul qiladi,
AQSH — MLS
“Inter Mayami” — “Nyu-Inglend Revolyushn” 1:1
Gollar: Xil 56 (0:1), Berterame 76 (1:1).
