MLS. «Inter Mayami»dan g'alaba, Messidan gol va assist
Florida shtatidagi (AQSh) Fort-Loderdeyl shahrida joylashgan 'DRV PNK Stadium'da MLSning navbatdagi turidan o'rin olgan 'Inter Mayami' — 'Sietl Saunders' uchrashuvi bo'lib o'tdi. Mayami klubi 3:1 hisobida g'alaba qozondi.
Uchrashuvda mezbonlar safida Alba, Messi, Frey bittadan gol urishdi. Mehmonlarning yagona goli Vargas hisobiga yozildi.
Darvoqe, bellashuvda argentinalik 38 yoshli futbolchi Messining uzatmasi bilan Albaning goli kiritildi.
'Inter Mayami' 27 uchrashuvdan so'ng 49 ochko jamg'arib, MLS Sharqiy konferensiyasi jadvalida beshinchi o'ringa ko'tarildi. 'Sietl Saunders' esa 29 o'yinda 45 ochko bilan G'arbiy konferensiyada to'rtinchi pog'onada qolmoqda.
MLS — AQSh. Muntazam chempionat
Inter Mayami (Mayami) — Sietl Saunders (Sietl) — 3:1
Gollar: Alba 12, Messi 41, Frey 52 – Vargas 69.
