MLS. «Inter Mayami» Messi va Suaresning gollari evaziga safarda «Toronto»ni magʻlub etdi
MLSning 2026 yilgi mavsumi doirasida Kanadaning «Toronto» hamda Floridaning «Inter Mayami» jamoalari o‘rtasidagi uchrashuv yakunlandi. Unda mehmonlar 4:2 hisobida g‘alaba qozonishdi.
Uchrashuvning 44-daqiqasida Rodrigo De Paul mehmonlarni hisobda oldinga olib chiqdi. 56-daqiqada esa Luis Suares Lionel Messining uzatmasidan so‘ng jamoasining ustunligini mustahkamladi. 73-daqiqada Serxio Regilon hisobni 3:0 ko‘rinishiga keltirdi, ushbu golda ham Messi assistentlik qildi. 75-daqiqada esa Lionel Messining o‘zi raqib darvozasini ishg‘ol etdi.
Mezbonlar safida Emilio Aristisabal 82-daqiqada hisobni qisqartirgan bo‘lsa, 90-daqiqada o‘zining ikkinchi golini urib, dubl qayd etishga muvaffaq bo‘ldi.
Ushbu o‘yindan so‘ng, «Toronto» 14 ochko bilan Sharqiy konferensiya turnir jadvalida sakkizinchi o‘rinda bormoqda. «Inter Mayami» esa 22 ochko bilan ikkinchi pog‘onani egallab turibdi.
