Mixail Shtefan – «Dinamo» futbolchisi
Superligada mavsumning ikkinchi qismi boshlanishidan oldin "Dinamo" jamoasi seleksiya jarayonini davom ettirmoqda.
Yozgi transfer oynasida "Dinamo" klubi Moldova milliy jamoasi himoyachisi Mixail Shtefan bilan shartnoma imzolaganini ma’lum qiladi. 24 yoshli markaziy himoyachi bilan mavsum yakunigacha shartnoma tuzildi. Shtefan jamoa safiga erkin agent sifatida qo‘shildi.
Moldovalik himoyachi so‘nggi yillarda Moldova chempionati etakchilaridan biri bo‘lgan "Zimbru" klubida to‘p surgan va iyun oyining oxirida jamoani erkin agent sifatida tark etib, "Dinamo" o‘yinchisiga aylandi. U jamoamiz safida 3-raqam ostida harakat qiladi.
"Ishonamizki, Mixail Shtefan Samarqanddagi faoliyati davomida o‘z o‘yinlari bilan jamoamizning unutilmas g‘alabalariga hissa qo‘shib, muxlislar mehrini qozonadi", - deyiladi klub xabarida.
