Misr nimchorak finalda! Avstraliya Jahon chempionatini tark etdi
2026-yilgi Jahon chempionati 1/16 finalidan o‘rin olgan Avstraliya va Misr terma jamoalari o‘rtasidagi uchrashuv yakunlandi. Bahsning asosiy vaqti 1:1 hisobida tugadi. Penaltilar seriyasida esa Misr futbolchilari 4:2 hisobida g‘alaba qozonib, keyingi bosqichga yo‘l oldi.
Uchrashuvdagi hisob 13-daqiqada Misr yarim himoyachisi Imom Ashur tomonidan ochildi. Ikkinchi bo‘limning 55-daqiqasida esa misrlik himoyachi Muhammad Hani avtogol muallifiga aylanib, Avstraliyaga muvozanatni tiklash imkonini berdi.
Asosiy va qo‘shimcha bo‘limlarda g‘olib aniqlanmagach, bahs penaltilar seriyasiga qadar davom etdi. Unda Misr futbolchilari aniqroq harakat qilib, 4:2 hisobida ustun keldi.
Muhammad Saloh boshchiligidagi Misr terma jamoasi endi 1/8 finalda Argentina – Kabo-Verde juftligi g‘olibiga qarshi maydonga tushadi.
