Mirjamol Qosimov: O'tgan mavsumda biz chempionlikka da'vogar sifatida ko'rilmagan edik
Superliganing yettinchi turidan o'rin olgan "Bunyodkor" — OKMK (1:0) uchrashuvidan so'ng olmaliklar yarimhimoyachisi Mirjamol Qosimov o'yin haqidagi fikrlari bilan o'rtoqlashdi.
Futbolchining so'zlariga ko'ra: "Yutib o'rgangan jamoa yutqazishni ham bila olishi kerak. Ko'rib turibsiz, o'yin yomon o'tmadi. Harorat ham ta'sir qildi, albatta. "Bunyodkor" tempni biroz pasaytirishga harakat qildi va bu natija berdi. Menimcha, aynan shu AGMKning gol ura olmagan sabablaridan biri bo'ldi".
"Jamoada muhit juda yaxshi. Yigitlar har qanday o'yinga shay. Hammamizning bosh maqsadimiz — chempionlik.
Hatto o'tgan mavsumda ham bizga chempionlik da'vogari sifatida qaralmagandi. Lekin OKMK nuqtai nazardan kutilmagan holda kumush medallarni qo'lga kiritdi. Shukr, mehnatimiz bilan hurmat qozondik, deb o'ylayman".