Mirjalol Qosimov: G'alaba qozonishni juda xohlagandik
OKMK bosh murabbiyi Qo'qon-1912 bilan o'yindan keyin fikr bildirdi.
photo: OKMK FK
Superliga 24-turidan o'rin olgan OKMK - "Qo'qon-1912" 0:1 uchrashuvidan so'ng mezbonlar bosh murabbiyi Mirjalol Qosimov fikr bildirdi.
"G'alaba qozonishni juda xohlagandik. Lekin uchrashuv boshidagi xato qimmatga tushdi. Shogirdlarim ancha harakat qilishdi, ammo gol ura olmadik. "Qo'qon-1912"ni g'alaba bilan tabriklayman. Bugun oddiy vaziyatlarda ko'p xatoga yo'l qo'ydik.
Albatta, mag'lubiyat sabablarini tahlil qilamiz. Hozir jamoaga kichik tatil berib, shundan so'ng yana mashg'ulotlarga qaytamiz. Oldinda qiyin o'yinlar kutyapti, jiddiy hozirlik ko'rishimiz kerak",-dedi mutaxassis.
Ibrohim Jalolov
Redaktor