Milliy futbol markazida FIFA klublarini litsenziyalash dasturi doirasida klublarni litsenziyalash bo'yicha seminar start oldi
Milliy futbol markazida FIFA klublarini litsenziyalash dasturi doirasida klublarni litsenziyalash bo'yicha seminar start oldi. Oliy liga va Birinchi ligadagi ayollar jamoalarining klublarni litsenziyalash bo'yicha menejerlari, shuningdek, klub vakillari ishtirok etmoqda.
Seminarni FIFA instruktori Andres Portabella olib bormoqda, u ishtirokchilarni xalqaro klublarni litsenziyalash standartlari va ularning ayollar futboliga qo'llanilishi bilan tanishtiradi. Dasturda sport, infratuzilma, ma'muriy, huquqiy va moliyaviy talablar kabi asosiy litsenziyalash mezonlari o'rganiladi.
Ayollar futbolini rivojlantirish, klublarni boshqarish standartlarini joriy etish va klublarning barqarorligini oshirishga alohida e'tibor qaratiladi. Ishtirokchilar tajriba almashish, litsenziyalashning dolzarb masalalarini muhokama qilish va xalqaro amaliyotlar haqida ma'lumot olish imkoniyatiga ega bo'ladilar.
Seminar klublarni litsenziyalash tizimini yanada takomillashtirish va ayollar futbol jamoalarining professionalligini oshirishga qaratilgan.
