Milliy futbol markazida ayol hakamlar uchun mo‘ljallangan CAFA hakamlar seminari o‘z ishini boshladi
Bugun Milliy futbol markazida ayol hakamlar uchun mo‘ljallangan CAFA hakamlar seminari o‘z ishini boshladi.
Kunning dastlabki qismida bosh hakamlar va yordamchi hakamlar maydondagi amaliy mashg‘ulotlar hamda jismoniy sinovlarda ishtirok etishdi.
Mashg‘ulotlar zamonaviy VAR texnologiyalari bilan uyg‘un holda olib borilib, hakamlarning jismoniy va amaliy tayyorgarligi sinovdan o‘tkazildi.
Seminarning ikkinchi yarmida esa ishtirokchilar nazariy mashg‘ulotlarga jalb etildi.
Unda o‘yin jarayonidagi murakkab vaziyatlar, qoidalarni to‘g‘ri talqin qilish, VAR orqali qaror qabul qilish hamda hakamlikdagi dolzarb masalalar atroflicha muhokama qilindi.
Mazkur seminar ayol hakamlarning professional mahoratini oshirish, xalqaro standartlar asosida tayyorlash va tajriba almashish uchun muhim jarayon bo‘lib xizmat qilmoqda.
