Milliy antidoping agentligi sportchilar bilan profilaktik uchrashuvlar oʻtkazmoqda
Doping qoidalarini buzishning salbiy oqibatlari haqida batafsil tushuntirish bermoqda.
Фото: Olympic.uz
O‘zbekiston Milliy antidoping agentligining mas’ul xodimlari yangi mavsumga tayyorgarlik ko‘rayotgan sportchilar bilan uchrashuvlar o‘tkazmoqda.
Ushbu tadbirlarda ko‘zlangan asosiy maqsad atletlar o‘rtasida dopingga qarshi kurashni kuchaytirish bo‘lib, mutaxassislar sportchilarga doping qoidalarini buzishning salbiy oqibatlari, halol va shaffof sport haqida batafsil tushuntirish bermoqda.
Shuningdek, suhbatlar davomida Butunjahon antidoping agentligi tomonidan 2026-yil uchun yangilangan taqiqlangan tibbiyot vositalari ro‘yxati hamda ularning tarkibi yuzasidan atletlarga atroflicha ma’lumotlar taqdim etilmoqda.
Roziqjon Sultonmurodov
Jurnalist