Milinkovich-Savich uchun qaysi jamoalar kurashmoqda ma’lum bo‘ldi
Photo: Getty Images
“Torino” darvozaboni Vanya Milinkovich-Savich jamoani tark etishi mumkin, deb xabar bermoqda Football Italia.
Manbaga ko‘ra, 28 yoshli serbiyalik posbonga “Napoli” va “Lids” klublari qiziqish bildirmoqda.
“Napoli” Milinkovich-Savich uchun kurashda oldinda va tomonlar muzokaralarni faol olib bormoqda.
Serbiyalik futbolchining transfer qiymati 16 million yevroga baholanmoqda. Uning Turin klubi bilan amaldagi shartnomasi 2026 yil yozigacha mo‘ljallangan.
Yakunlangan mavsumda Vanya “Torino” safida 39 ta o‘yinda qatnashib, o‘z darvozasidan 44 ta gol o‘tkazib yuborgan. 11 ta uchrashuvda darvozasi dahlsizligini saqlab qoldi.
Bahrom Bobonov
Redaktor