“Milan” serbiyalik darvozabonni tarkibiga qo‘shib oldi

“Milan” Serbiyaning “Red Star” klubidan darvozabon Ivan Gutichni transfer qildi. 18 yoshli futbolchi Italiya klubiga kelajak uchun mo‘ljallangan loyiha sifatida qo‘shildi.

Gutich “Red Star” akademiyasi tarbiyalanuvchisi hisoblanadi. U yoshlar jamoalarida o‘zini ko‘rsatib, Serbiya futbolining istiqbolli darvozabonlaridan biri sifatida e’tirof etilgan.

“Milan” yosh futbolchining rivojlanishiga katta e’tibor qaratishni rejalashtirmoqda. Gutich dastlab klubning yoshlar jamoasi yoki ijara asosida boshqa jamoada tajriba to‘plashi mumkin.

Ma’lumot uchun, “Milan” yozgi transferlar vaqtida tarkibini yosh futbolchilar hisobiga kuchaytirishga ham e’tibor qaratmoqda.

Nasrullo Karimov

Jurnalist

0 0 0 0 0 0