«Milan» Rafael Leauni 50 million yevroga sotishga tayyor
«Milan» klubi portugaliyalik vinger Rafael Leauni taxminan 50 million yevro evaziga sotishga tayyor, deb xabar bermoqda Corriere dello Sport. Avvalroq futbolchi mavsum yakunlangach, jamoani tark etishini ma’lum qilgan edi.
Manba bergan xabarga ko‘ra, «rossoneri» uchun ushbu transferdagi asosiy masala moliyaviy tomon hisoblanadi, chunki klub foyda ko‘rishni ko‘zlamoqda. «Milan» futbolchini qariyb 50 million yevroga sotishga rozi, klub balansida kapital o‘sishini qayd etish uchun zarur bo‘lgan minimal summa esa taxminan 11 million yevroni tashkil qiladi.
Qayd etilishicha, Rafaelning o‘zi Premyer-ligada to‘p surishni istamoqda, biroq u Ispaniya va Germaniyadan bo‘ladigan takliflarni ham rad etmaydi. O‘tgan yili unga «Bavariya» va «Barselona» klublari qiziqish bildirgan edi.
