«Milan» qishki transferlar vaqtida Natan Akeni oʻz safiga qoʻshib olmoqchi
«Manchester Siti» himoyachisi Natan Ake faoliyatini Italiya A Seriyasida davom ettirishi mumkin. Bu borada futbolchiga «Milan» qiziqish bildirgan, deya xabar beradi Corriere Dello Sport.
Manbaga ko‘ra, niderlandiyalik Ake qishki transfer oynasida «Milan»ning ustuvor maqsadiga aylangan. Italiya klubi futbolchiga muntazam o‘yin amaliyotini taklif qilmoqda, shunda u 2026 yilgi Jahon chempionati uchun Niderlandiya terma jamoasiga chaqiriq olish imkoniyatini oshiradi.
Ake «Siti» safiga 2020 yil yozida qo‘shilgan. Joriy mavsumda u barcha musobaqalarda 13 ta o‘yinda maydonga tushgan, ammo samarali harakatlar qayd etilmagan. Futbolchining klub bilan amaldagi shartnomasi 2027 yil yozigacha mo‘ljallangan.
Transfermarkt portali bozor qiymatini 18 million yevro deb baholamoqda.
