\"Milan\" Modrich uchun yiliga 3,5 mln yevro maosh bermoqchi

“Real” yarim himoyachisi Luka Modrich faoliyatini “Milan”da davom ettirishga yaqin turibdi.

Football Italia xabariga ko‘ra, tomonlar “1+1” sxemasi asosida shartnoma tuzish imkoniyatini muhokama qilmoqda.

39 yoshli xorvatiyalik futbolchiga yiliga 3 — 3,5 million yevro maosh taklif etilmoqda.

Modrich klublar o‘rtasidagi jahon chempionatida “Real” sharafini himoya qiladi. U Madrid klubida 13 mavsum o‘tkazib, 591 ta o‘yinda 43 ta gol va 95 ta golli pas bilan ishtirok etgan.

Roziqjon Sultonmurodov

Jurnalist