«Milan» Fodenni o‘z safiga qo‘shib olmoqchi
Biroq hozircha "Manchester Siti"ga rasmiy taklif yuborilmagan.
ФОТО: Getty images
Italiyaning "Milan" klubi "Manchester Siti" yulduzi Fil Fodenni o‘z safiga qo‘shib olish imkoniyatini o‘rganmoqda.
Xabarlarga ko‘ra, "rossonerilar" ingliz hujumkor yarim himoyachisini jamoaning asosiy transfer maqsadlaridan biri sifatida ko‘rmoqda. Klub rahbariyati transfer bo‘yicha shartlar va ehtimoliy kelishuv variantlarini tahlil qilmoqda.
Biroq hozircha "Manchester Siti"ga rasmiy taklif yuborilmagan. Shuningdek, Fodenning Angliya chempionlari bilan uzoq muddatli shartnomasi va uning jamoada muhim o‘rni ehtimoliy transferni amalga oshirishni ancha murakkablashtirishi mumkin.
Ayni vaqtda tomonlar o‘rtasida rasmiy muzokaralar boshlanganiga oid ma’lumot yo‘q, biroq "Milan" vaziyatni diqqat bilan kuzatib bormoqda.
Roziqjon Sultonmurodov
Jurnalist