Milan darvozaboni Mayk Menyanga uchta ingliz klubi da'vo qilmoqda
Italiyaning «Milan» klubida to'p surayotgan fransuz darvozaboni Mayk Menyan ajoyib o'yinlaridan so'ng bir vaqtning o'zida uchta ingliz jamoasining e'tiborini tortdi. CaughtOffside xabar berishicha, Menyanga «Aston Villa», «Chelsi» va «Manchester Yunayted» qiziqish bildirmoqda.
Ehtimoliy transferning bahosi taxminan 40 million yevroni tashkil etadi. Menyan 2021 yil yozidan beri «Milan» safida harakat qilmoqda. Uning amaldagi shartnomasi 2026 yil iyun oxirigacha mo'ljallangan.
2024/25 yilgi A Seriyasi mavsumida u 31 ta uchrashuvda maydonga tushib, 35 ta gol o'tkazib yubordi va 11 ta uchrashuvni darvozasini daxlsiz saqlagan holda yakunladi. Chempionlar Ligasida esa u atigi 10 ta gol o'tkazgan. Ayni paytda «Milan» A Seriyasida to'qqizinchi o'rinni egallab turibdi.
