Mikel Arteta Viktor Gyokereshning YChL yarimfinalidagi o‘yiniga yuqori baho berdi
Londonning «Arsenal» klubi bosh murabbiyi Mikel Arteta UEFA Chempionlar Ligasi yarimfinalining dastlabki bahsida Madridning «Atletiko» jamoasiga qarshi (1:1) kechgan uchrashuvdan so‘ng, hujumchi Viktor Gyokereshning harakatlari haqida o‘z fikrini bildirdi. Shvetsiyalik forvard ushbu bahsda penalti ishlashga va uni aniq amalga oshirishga muvaffaq bo‘ldi.
«O‘ylaymanki, u birinchi bo‘limda, ayniqsa biz ustunlik qilgan paytimizda juda yaxshi o‘ynadi. U golli vaziyat yaratdi va penaltidan unumli foydalandi — gol urishda sovuqqonlik namoyish etdi. Ikkinchi bo‘limda vaziyat biroz o‘zgardi, bunda raqibga ham munosib baho berish kerak. Ammo biz ancha yaxshilashimiz kerak bo‘lgan jihatlar ko‘p. O‘yin ssenariysi o‘zgargach, biz ham moslashishga majbur bo‘ldik. Yakunda o‘yinni ijobiy yakunladik, deb hisoblayman», — deydi Arteta.
Eslatib o‘tamiz, jamoalar o‘rtasidagi javob uchrashuvi 5 may kuni Londonning «Emireyts» stadionida bo‘lib o‘tadi.
