Messini ko'ramizmi? O'zbekiston terma jamoasi Argentinaga qarshi o'ynashi mumkin

Kuzda O'zbekiston terma jamoasi jahon chempionatiga tayyorgarlikni boshlaydi. Ushbu jarayon doirasida jamoamiz bir qator yetakchi terma jamoalar bilan nazorat uchrashuvlari o'tkazishni rejalashtirgan.

O'zbekiston futbol assotsiatsiyasi ma'lumotiga ko'ra, ehtimoliy raqiblardan biri — Argentina terma jamoasi. Hozircha to'liq kelishuvga erishilmagan, biroq muzokaralar davom etmoqda.

Ta'kidlash joizki, terma jamoamiz 2026 yil yozidagi jahon chempionatiga puxta tayyorgarlik ko'rish maqsadida FIFA kunlaridan foydalanib, kuchli raqiblarga qarshi o'rtoqlik uchrashuvlari o'tkazishni rejalashtirmoqda. Bu musobaqa O'zbekiston tarixidagi birinchi jahon chempionati bo'ladi.

Bakradze Iman

Redaktor