Messiga Mayami shahri kaliti topshirildi
Argentinalik hujumchi 2023 yilning yozida buyon «Inter Mayami»da toʻp surmoqda.
FOTO: Getty Images
Mayami shahri meri Fransis Suares afsonaviy argentinalik futbolchi Lionel Messiga shaharning ramziy kalitini topshirdi.
«Bu kalitni sizga topshirishimizning sababi — siz bizning buyuk shahrimiz, mamlakatimiz va butun futbol olami uchun qilgan ulkan hissangizdir. Rahmat sizga», — dedi Suares.
Eslatib oʻtamiz, Lionel Messi 2023 yilning iyul oyidan buyon «Inter Mayami» sharafini himoya qilmoqda. U klub tarkibida 84 ta oʻyinda maydonga tushib, 74 ta gol urgan va 37 ta golli uzatmani amalga oshirgan.
Shuningdek, Messi faoliyati davomida 8 ta «Oltin toʻp» sohibi boʻlgan, Jahon chempionligi va 4 marta Chempionlar ligasi gʻolibigini qoʻlga kiritgan.
Nasrullo Karimov
Jurnalist