Messidan keyin Argentina terma jamoasining 10-raqami kimga nasib etishi mumkin?
Lionel Messi Argentina terma jamoasidagi faoliyatini yakunlagach, milliy jamoadagi ramziy 10-raqam kimga berilishi masalasi muhokama qilinmoqda. Hozircha bu borada rasmiy qaror qabul qilinmagan, biroq bir nechta futbolchi Messining vorisi sifatida tilga olinmoqda.
Asosiy nomzodlar qatorida Lautaro Martines, Xulian Alvares va Enso Fernandes bor. Lautaro Argentina bilan 2022-yilgi Jahon chempionati, ikki marta Amerika Kubogi va Finalissimada g‘olib chiqqan. Xulian Alvares esa 2022-yilgi mundialda to‘rtta gol urib, Messidan keyin jamoaning ikkinchi eng yaxshi to‘purari bo‘lgan.
Kelajak uchun esa Franko Mastantuono va Niko Pas alohida tilga olinmoqda. Mastantuono 17 yosh 9 oy 22 kunligida Argentina terma jamoasi safida rasmiy uchrashuvda maydonga tushgan eng yosh futbolchiga aylangan. Niko Pas esa milliy jamoada tobora ko‘proq imkoniyat olayotgan va hujum chizig‘idagi asosiy yosh iste’dodlardan biri sifatida ko‘rilmoqda.
Ma’lumot uchun, Messi Argentina terma jamoasi safida 10-raqamni uzoq yillar davomida kiyib, milliy jamoa tarixining eng muhim futbolchilaridan biriga aylandi. Hozircha uning raqami kimga berilishi rasman aniqlanmagan, biroq terma jamoa safida bu raqam uchun tajribali yetakchilar bilan bir qatorda yangi avlod vakillari ham da’vogarlik qilmoqda.
