Messi yashirincha «Barselona» stadioniga bordi
Argentina terma jamoasi va “Inter Mayami” klubi yulduzi Lionel Messi sobiq jamoasi “Barselona”ning yangilangan arenasi bo‘ldi.
Klub afsonasi “Kamp Nou” stadionida tun qorong‘isida, bo‘sh tribunalar oldida olingan bir qator suratlarni e’lon qildi.
Qayd etilishicha, safar jurnalistlar va muxlislardan sir tutilgan.
“Kecha butun vujudim bilan sog‘ingan joyimga qaytdim. Bu men uchun nihoyatda baxtli bo‘lgan joy, yigitlar, sizlar meni dunyodagi eng baxtli inson deb his qilishga majbur qilgansizlar. Umid qilaman, bir kun kelib yana qaytaman va nafaqat futbolchi sifatida, balki o‘zim bilan xayrlashish uchun ham...”, – deb yozdi futbolchi ijtimoiy tarmoqdagi sahifasida.
Eslatib o‘tamiz, Messi 2003–2021 yillarda kataloniyaliklar sharafini himoya qilgan va klubning tirik afsonasiga aylangan. U 10 marta Ispaniya chempionligini, 4 marta Chempionlar Ligasi g‘olibligini qo‘lga kiritgan.
