Messi va Ronaldu bir klubda o‘ynaydimi?
«Al-Nasr» klubi sharafini himoya qilayotgan portugaliyalik futbolchi 2025 yilgi klublar o‘rtasidagi jahon chempionati uchun bir oyga jamoasini tark etmoqchi. Krishtianu Ronalduning amaldagi shartnomasi 2025 yilning yozida o‘z nihoyasiga etadi.
talkSPORT xabariga ko‘ra, portugaliyalik futbolchi aqlbovar qilmas qadam tashlab, Amerikaning «Inter Mayami» jamoasi bilan shartnoma imzolashi va argentinalik Lionel Messi bilan o‘ynashi mumkin. Ronaldu qisqa muddatli shartnoma imzolaydi va keyinchalik Saudiya Arabistoniga qaytadi.
2024/25-yilgi mavsumda portugaliyalik futbolchi Saudiya Arabistoni chempionatida 24 ta o‘yinda maydonga tushdi. Uning hisobida 19 gol va uchta golli uzatma bor.
Klublar o‘rtasidagi jahon chempionati 15 iyundan 13 iyulga qadar AQShda bo‘lib o‘tadi.
