Messi faoliyatidagi gollari sonini 934 taga yetkazdi

Argentinalik hujumchi Lionel Messi professional faoliyati davomida urgan gollari sonini 934 taga yetkazdi.

"Inter Mayami" futbolchisi AQShning MLS muntazam chempionati doirasida "Di-Si Yunayted"ga qarshi uchrashuvda dubl qayd etib, faoliyatidagi 933- va 934-gollarini kiritdi.

Mazkur bahs "Inter Mayami"ning 4:0 hisobidagi yirik g‘alabasi bilan yakunlandi.

Ayni paytda Krishtianu Ronalduning professional faoliyati davomida urgan gollari soni 980 tani tashkil etmoqda. Portugaliyalik hujumchi yaqinda "An-Nasr" safidagi navbatdagi uchrashuvda ham gol urishga muvaffaq bo‘lgan.

Shu tariqa, Messi va Ronaldu o‘rtasidagi gollar farqi 46 tani tashkil etmoqda.

Roziqjon Sultonmurodov

Jurnalist

0 0 0 0 0 0