Mbappeni haqorat qilgan muxlis bir yilga qamalishi mumkin
Voqea oʻtgan yilning avgust oyida sodir boʻlgan.
FOTO: Getty Images
Madridning «Real» hujumchisi Kilian Mbappeni irqiy kamsitgan muxlisga nisbatan ayblov tomoni bir yillik qamoq jazosi va 2880 yevro miqdorida jarima so‘radi. Bu haqda Mundo Deportivo nashri xabar bermoqda.
Voqea 2025 yil 24 avgust kuni «Nuevo Karlos Tartere» stadionida bo‘lib o‘tgan «qaymoqranglilar» va «Oviedo» (0:3) jamoalari o‘rtasidagi uchrashuvda yuz bergan.
Prokuraturaning ta’kidlashicha, fransiyalik forvardning haqoratlangani videokameraga tushib qolgan. Ushbu yozuv ijtimoiy tarmoqlarga joylashtirilganidan so‘ng, bir necha soat ichida 300 ming marta tomosha qilingan.
Qayd etilishicha, muxlis Mbappeni uchrashuvning 37-daqiqasida «Oviedo» darvozasini ishg‘ol qilganidan so‘ng haqoratlagan.
Nasrullo Karimov
Jurnalist