Mbappe YChLda gol urish boʻyicha Raulga yaqinlashib oldi
Madridning «Real» klubi hujumchisi Kilian Mbappe UEFA Chempionlar Ligasining chorak finali doirasida Myunxenning «Bavariya» jamoasiga qarshi kechgan uchrashuvda (1:2) o‘z hisobiga gol yozdirib qo‘ydi. Ushbu gol fransiyalik futbolchi uchun mazkur nufuzli turnirdagi 69-gol bo‘ldi va u eng yaxshi to‘purarlar ro‘yxatida «Real» hamda «Shalke» sobiq futbolchisi Raul Gonsalesga yanada yaqinlashib oldi.
Musobaqa tarixidagi eng yaxshi to‘purarlar reytingini «Manchester Yunayted» va «Real» sobiq hujumchisi Krishtianu Ronaldu (141 ta gol) boshqarib bormoqda.
Ikkinchi o‘rinda «Barselona» afsonasi Lionel Messi (129 ta gol) joylashgan bo‘lsa, kuchli uchlikka Robert Levandovski yakun yasagan. Faoliyati davomida Dortmundning «Borussiya» va Myunxenning «Bavariya» klublarida to‘p surgan polshalik forvard ayni damda «ko‘k-anorranglilar» sharafini himoya qilmoqda va uning hisobida 109 ta gol mavjud.
