Mbappe: «Oltin to‘p»? Balki yaqin orada mening ushbu sovrin bilan tushgan suratím paydo bo‘lar»
Taqdirlash marosimi 26-oktyabr kuni Londonda bo‘lib o‘tadi.
ФОТО: Getty images
Madridning «Real» klubi hamda Fransiya terma jamoasi hujumchisi Kilian Mbappe «Oltin to‘p» sovrinini qo‘lga kiritish istagini yana bir bor ochiq bildirdi.
«Balki, yaqin orada mening ushbu sovrin bilan tushgan suratim ham paydo bo‘lar. Kim biladi?! Endi vaqti keldi! Bu yil buning uchun munosib yil», — dedi Mbappe The Athletic nashriga.
Fransiyalik yulduz «Oltin to‘p» uchun asosiy da’vogarlardan biri hisoblanadi. France Football tomonidan tashkil etiladigan taqdirlash marosimi 26-oktyabr kuni Londonda bo‘lib o‘tadi.
Eslatib o‘tamiz, o‘tgan yilgi «Oltin to‘p» sovrini «PSJ» va Fransiya terma jamoasi yarim himoyachisi Usmon Dembelega nasib etgan edi.
