Mbappe «Man Siti»ga qarshi oʻyin oldidan «Real» mashgʻulotlarini oʻtkazib yubordi
Madrid klubi ertaga «shaharliklar»ga qarshi maydonga tushadi.
FOTO: Getty Images
Fransiyalik hujumchi, Madridning «Real» klubi yetakchisi Kilian Mbappe Chempionlar ligasi umumiy bosqich 6-turi doirasida «Manchester Siti»ga qarshi o‘yin oldidan jamoaning mashg‘ulotida ishtirok etmadi. Bu haqda jurnalist Mario Kortegana xabar bermoqda.
Manbaga ko‘ra, umumiy guruh bilan shug‘ullanmagan yana bir futbolchi — yarim himoyachi Eduardu Kamavinga.
Maʼlumot uchun, «Real» — «Manchester Siti» bahsi ertaga, 10 dekabr kuni bo‘lib o‘tadi. Uchrashuv Madriddagi «Santyago Bernabeu» stadionida Toshkent vaqti bilan soat 01:00 da start oladi.
Joriy mavsum Chempionlar ligasining finali Budapeshtdagi «Pushkash Arena»da bo‘lib o‘tadi. Hal qiluvchi bahs 2026 yil 30 may kuni o‘tkaziladi.
Nasrullo Karimov
Jurnalist
