Mbappe Jahon chempionatlarida tarixiy natijaga erishdi
Fransiyalik yulduz uzoq yillik rekordni yangiladi.
Futbol
Nasrullo Karimov
Jurnalist
FOTO: Getty Images
Fransiya terma jamoasi hujumchisi Kilian Mbappe 1966-yildan buyon Jahon chempionatlarida kamida 20 ta samarali harakat amalga oshirgan uchinchi futbolchiga aylandi.
Opta ma’lumotlariga ko‘ra, Mbappe mundiallardagi gollari va golli uzatmalari soni bo‘yicha 20 ta samarali harakat ko‘rsatkichiga yetdi.
1966-yildan beri bu natijaga faqat uch futbolchi erishgan: Gerd Myuller, Ronaldo Nazario va Kilian Mbappe.
Eslatib o‘tamiz, JCH-2026 I guruhi 3-turida Fransiya Norvegiyani 4:1 hisobida mag‘lub etdi. Mbappe ushbu uchrashuvda gol ura olmadi, ammo ikkita golli uzatma amalga oshirdi.
Fransiya terma jamoasi guruh bosqichini 9 ochko bilan birinchi o‘rinda yakunladi.