Mbappe Ispaniyaga qarshi o‘yin oldidan jarohat bilan kurashmoqda

Fransiya terma jamoasi hujumchisi Kilian Mbappe JCh-2026 yarim finalidan oldin kichik jarohat sabab to‘liq mashg‘ulot o‘tkaza olmadi.

Ma'lumotlarga ko‘ra, Mbappe chorak finalda Marokashga qarshi bahsda o‘ng to‘pig‘idan yengil jarohat olgan. Shu bois u Ispaniyaga qarshi o‘yin arafasidagi so‘nggi mashg‘ulotning bir qismini alohida o‘tkazdi.

Biroq Fransiya terma jamoasi bosh murabbiyi Didye Desham muxlislarni xotirjam qildi.

"Kilian yaxshi. Unda kichik muammo bor, ammo u yarim finalda maydonga tushishga tayyor," — dedi Desham.

Shu tariqa, Mbappening Ispaniyaga qarshi yarim final uchrashuvini o‘tkazib yuborishi kutilmayapti. Hozircha uning jarohati jiddiy emas va Fransiya sardori muhim bahsda asosiy tarkibda maydonga tushishi kutilmoqda.

Nasrullo Karimov

Jurnalist

0 0 0 0 0 0