Mbappe Fransiya milliy jamoasining JCh-2026dagi asosiy maqsadini aytdi

Fransiya milliy jamoasi hujumchisi Kilian Mbappe Ukraina ustidan qozonilgan gʻalabadan soʻng (4:0) jamoasining JCh-2026dagi asosiy maqsadi haqida fikr bildirdi.

«Bizning maqsad — yarimfinalga chiqish emas. Maqsad — jahon chempioni boʻlish. Jahon chempionati — har bir futbolchining orzusi. Musobaqaga keladigan 48 ta jamoaning ham niyati — gʻalaba qozonish... Agar biz yarim finalda magʻlub boʻlsak, demak, maqsadga erishmagan boʻlamiz», — dedi Mbappe.

Maʼlumot uchun, Fransiya JCh-2026 saralash bosqichining 5-turidan soʻng 13 ochko jamgʻargan holda «D» guruhida peshqadamlik qilmoqda va muddatidan avval mundial yo'llanmasini qoʻlga kiritdi.

Nasrullo Karimov

Jurnalist