Maykl Olise Fransiya terma jamoasida XXI asr rekordini o‘rnatdi
Fransiya terma jamoasi yarim himoyachisi Maykl Olise milliy jamoa safida XXI asr uchun yangi natija qayd etdi. 24 yoshli futbolchi 2026-yil davomida “uch ranglilar” safida 9 ta golli uzatma berdi. Bu haqda Stats Foot ma’lum qildi.
Olise Millatlar ligasining 1-turida Turkiyaga qarshi uchrashuvda navbatdagi assistini amalga oshirdi. Uning uzatmasidan so‘ng Kilian Mbappe 54-daqiqada uchrashuvdagi yagona golni urdi va Fransiya safarda 1:0 hisobida g‘alaba qozondi.
Shu tariqa Olise Fransiya terma jamoasi safida bir kalendar yilida 9 ta golli uzatma qayd etgan 1958-yildan buyon ilk futbolchi bo‘ldi. Bungacha bunday natijaga afsonaviy Raymon Kopa erishgan edi.
Ma’lumot uchun, Olise JCh-2026da ham tarixiy natija qayd etgan — u turnir davomida 7 ta assist amalga oshirib, bir mundialdagi golli uzatmalar bo‘yicha Pele nomiga tegishli rekordni yangilagan edi.
