Maykl Kerrikning «MYU»da qolish ehtimoli yuqori — Romano
Mutaxassis mankunianliklar bilan juda yaxshi munosabat oʻrnatishga muvaffaq boʻlgan.
FOTO: Getty Images
«Manchester Yunayted» bosh murabbiyi Maykl Kerrik katta ehtimol bilan ushbu lavozimga doimiy asosda tasdiqlanadi. Bu haqda jurnalist va insayder Fabritsio Romano xabar bermoqda.
Manbaning ma’lum qilishicha, mutaxassis mankunianliklar rahbariyati va futbolchilari bilan juda yaxshi munosabat o‘rnatishga muvaffaq bo‘lgan. Klub xo‘jayinlari yangi murabbiy borasida qaror qabul qilishga shoshilmoqchi emaslar va hozircha pauza olish niyatidalar.
Ayni damda «Manchester Yunayted» 55 ochko bilan Angliya Premyer-ligasi turnir jadvalida uchinchi o‘rinni egallab turibdi. Kerrik jamoada joriy yilning yanvar oyidan buyon ishlab kelmoqda. U ushbu lavozimda Ruben Amorimning o‘rnini egallagan edi.
Nasrullo Karimov
Jurnalist