Maurisio Pochettino oʻyin paytidagi «cooling break»larga qarshi chiqdi

AQSH terma jamoasi bosh murabbiyi Maurisio Pochettino uchrashuvlar vaqtida futbolchilarga suv ichish uchun beriladigan qoʻshimcha tanaffuslar unga yoqmasligini maʼlum qildi.

«Menga bu yoqmaydi. Buni faqat ekstremal ob-havo sharoitlaridagina qabul qilishim mumkin, ammo bunday holat boʻlmasa, qoʻshimcha tanaffuslarsiz ham oʻyinni davom ettirsa boʻladi», — dedi Pochettino.

Avvalroq, JCh-2026 uchrashuvlarida futbolchilar suv balansini tiklab olishlari uchun har bir oʻyinda ikkitadan qoʻshimcha tanaffusga ega boʻlishlari haqida xabar berilgan edi.

Eslatib oʻtamiz, mezbon sifatida ishtirok etayotgan AQSH terma jamoasi Jahon chempionatining «D» guruhida Paragvay, Avstraliya va Turkiya jamoalariga qarshi maydonga tushadi.

Nasrullo Karimov

Jurnalist

0 0 0 0 0 0