Matić «Lion»ni tark etdi
Photo: Getty Images
Serbiyalik yarim himoyachi Nemanja Matić “Lion”ni tark etib, erkin agentga aylandi. Bu haqda klub matbuot xizmati xabar bermoqda.
Ta'kidlash kerakki, Matić o‘tgan yozda 2,4 million yevro evaziga “Renn”dan “Lion”ga o‘tgandi. Shuningdek, u faoliyati davomida “Chelsi”, “Manchester Yunayted”, “Benfika” va “Roma” kabi jamoalarda ham o‘ynagan.
Nemanja o‘tgan mavsum barcha turnirlarda 39 ta o‘yinda maydonga tushib, bitta gol urdi va bitta golli uzatmani amalga oshirdi. Uning Transfermarkt'dagi narxi 2 million yevroga baholanmoqda.
Roziqjon Sultonmurodov
Jurnalist