«Masxarabozlar!»: Mbappe «Valensiya»ga qarshi oʻyindagi hakamlikni tanqid qildi
Madridning «Real» klubi hujumchisi Kilian Mbappe Ispaniya La Ligasining 23-turi doirasida «Valensiya»ga (2:0) qarshi kechgan bahsdagi hakamlik ishidan norozi bo‘ldi.
Mbappening g‘azabiga tanaffus arafasida yuz bergan epizod sabab bo‘ldi. «Valensiya» himoyachilari to‘pni uzoqlashtirganidan so‘ng, hakam fransiyalik forvardda ofsayd holatini qayd etdi. Mbappe nima uchun o‘yindan tashqari holat deb topilganini tushunmadi va zaxira hakamidan tushuntirish berishini so‘radi.
«Bu qanday qilib ofsayd bo‘lishi mumkin? Menga tushuntirishingiz kerak. Keling, tribuna ostidagi xonaga kiramiz va menga hammasini tushuntirib berasiz, chunki men tushunmayapman. Men siz bilan gaplashyapman, siz esa hatto menga qaramayapsiz ham», — deya Mbappening so‘zlarini keltirmoqda AS nashri.
To‘rtinchi hakam uning so‘zlariga e’tibor bermayotganini ko‘rgan Mbappe jamoadoshi Kamavingaga qarab, fransuz tilida: «Masxaraboz hakamlar», — deya xitob qildi.
Ispaniya chempionatining 23 ta turidan so‘ng «Real Madrid» 57 ochko bilan ikkinchi o‘rinda bormoqda. «Valensiya» esa 23 ochko bilan 17-pog‘onani band etgan.
