«Mash'al» yangi mavsumga tayyorgarlikni boshladi
Tayyorgarlik jarayonlarida asosan jismoniy holatni tiklash va umumiy tayyorgarlikka alohida e'tibor qaratilmoqda.
Фото: Машъал ПФК
Yangi mavsumga tayyorgarlikni boshlab yuborgan “Mash'al” futbol jamoasi 3-yanvar kuni o‘zining ilk mashg‘ulotlarini o‘tkazdi.
Jamoa Muborak shahrida joylashgan o‘z qarorgohida yig‘ilib, klubning markaziy maydonida mashg‘ulotlarni boshladi. Tayyorgarlik jarayonlarida asosan jismoniy holatni tiklash va umumiy tayyorgarlikka alohida e'tibor berilmoqda.
Ayni paytda “Mash'al” murabbiylar shtabi yosh futbolchilarni ko‘rikdan o‘tkazishga katta ahamiyat bermoqda. Mashg‘ulotlarda ishtirok etayotgan yangi futbolchilar, shuningdek, rejalashtirilgan nazorat o‘yinlari haqida batafsil ma'lumotlar keyingi yangiliklarimizda e'lon qilinadi.
Roziqjon Sultonmurodov
Jurnalist