«Mash'al» jamoasi 1111-rasmiy uchrashuv arafasida
Muborak futbolining ramziga aylangan jamoa 2025-yil 17-oktabr kuni "Xorazm"ga qarshi bahsda o‘zining 1111-rasmiy uchrashuvini o‘tkazadi.
Tarixga nazar
"Mash'al"ning tarixiy sahifalari 1992-yilda ochilgan.
O‘sha yili jamoa ilk bor mamlakatning ikkinchi ligasida ishtirok etgan.
• 1993-yili "Mash'al" Birinchi liga (hozirgi Pro liga)ga qadam qo‘ydi
• 1995-yil esa klub tarixida yangi bosqich bo‘ldi — ilk bor Oliy liga (Super liga)da ishtirok etish sharafiga muyassar bo‘ldi.
• 2006-yilda "Mash'al" mamlakat futboli uchun katta voqeani amalga oshirdi — Osiyo Chempionlar Ligasi musobaqasida qatnashgan ilk viloyat jamoalaridan biriga aylandi.
Bugungi kungacha "Mash'al" quyidagi ko‘rsatkichlarga ega:
• Ikkinchi ligada: 5 o‘yin
• Birinchi ligada (Pro liga): 412 o‘yin
• Oliy ligada (Super liga): 562 o‘yin
• Osiyo Chempionlar Ligasida: 6 o‘yin
• O‘zbekiston kubogi: 125 o‘yin
Jami — 1110 rasmiy uchrashuv.
Bu o‘yinlarda jamoa:
• 525 g‘alaba,
• 199 durang,
• 386 mag‘lubiyat qayd etgan.
Gollar statistikasi:
• Urilgan gollar — 1753
• O‘tkazilgan gollar — 1418
Jamg‘arilgan ochkolar (kubok bahslaridan tashqari): 1541 ochko
