Martines Niderlandiya terma jamoasini boshqarishi mumkin
Portugaliya terma jamoasining sobiq bosh murabbiyi Roberto Martines Niderlandiya milliy jamoasiga ustozlik qilishi mumkin. Bu haqda De Telegraaf xabar berdi.
Manbaga ko'ra, Niderlandiya futbol ittifoqining (KNVB) yuqori darajadagi futbol bo'yicha direktori Nayjel de Yong 53 yoshli mutaxassis bilan bosh murabbiylik lavozimi bo'yicha muzokara o'tkazgan. Uchrashuv Ispaniyaning Malaga shahrida bo'lib o'tgan.
Martines 2023 yil yanvaridan 2026 yil iyuligacha Portugaliya terma jamoasini boshqardi. Uning qo'l ostida portugaliyaliklar 2025 yilda Millatlar ligasida g'olib chiqdi. 2026 yilgi Jahon chempionatida esa Portugaliya pley-off bosqichiga chiqib, 1/8 finalda keyinchalik chempion bo'lgan Ispaniyaga mag'lub bo'ldi.
Ispaniyalik mutaxassis bundan avval Belgiya terma jamoasida ishlagan va 2018 yilgi Jahon chempionatida jamoa bilan bronza medalini qo'lga kiritgan.
