«Marsel» Grinvuddan norozi
Joriy mavsumda u 30 turda 15 ta gol urgan.
ФОТО: Getty images
Fransiyaning “Marsel” klubi yarim himoyachi Meyson Grinvudning harakatlaridan norozi, deb xabar beradi L’Équipe.
Manbaga ko‘ra, futbolchi yangi murabbiylar shtabi bilan muammolarga duch kelmoqda. Bosh murabbiy Xabib Beye Grinvud uning ko‘rsatmalariga ahamiyat bermagani uchun mashg‘ulotni to‘xtatgan.
Klub rahbariyatining noroziligiga futbolchining marketing tadbirlarida ishtirok etishdan bosh tortgani va fransuz tili darslariga qatnashmayotgani ham sabab bo‘lmoqda.
Shuningdek, klub futbolchidan kutilgan mehnatsevarlik va jonbozlikni ko‘ra olmayapti.
Joriy mavsumda u 30 turda 15 ta gol urgan. Grinvud 2024 yil iyul oyida “Manchester Yunayted”dan “Marsel”ga o‘tgan va besh yillik shartnoma imzolagan.
Roziqjon Sultonmurodov
Jurnalist