Marmush: «Jamoaga gollarim bilan yordam berganimdan xursandman»
Omar "Nyukasl" bilan bahsda dublga erishdi.
ФОТО: Getty images
"Manchester Siti" safarda "Nyukasl" ustidan 3:1 hisobida g'alaba qozondi. Hujumchi Omar Marmush "shaharliklar"ning ikki goliga mualliflik qildi. O‘yindan so‘ng misrlik forvard bahs borasida fikrlarini bildirdi.
"Bu ajoyib o‘yin edi. Biz bahsni yaxshi boshlay olmadik va gol o‘tkazib yubordik, ammo keyin xarakter va ishtiyoqni namoyish etdik.
Keyingi bosqichga chiqqanimizdan xursandmiz. Jamoaga gollarim bilan yordam berganimdan juda xursandman. Yaxshi ishlarni davom ettirishga harakat qilamiz", — dedi Marmush.
Eslatma uchun, "Manchester Siti" keyingi bosqichga chiqdi. Tez orada jamoaning chorak finaldagi raqibi ma’lum bo‘ladi.
Roziqjon Sultonmurodov
Jurnalist