Markinyos Fransiya fuqaroligini olmoqchi
«PSJ» va Braziliya terma jamoasi himoyachisi Markinos Fransiya fuqaroligini olish istagini bildirdi.
«Biz bu borada ish olib boryapmiz, turmush o‘rtog‘im allaqachon hujjat topshirgan. Men ham shu masala ustida ishlayapman. Bu Fransiya va Parij menga bergan hamda hayotimga olib kirgan barcha narsalarni ramziy tarzda ifodalash usuli hisoblanadi. Oxir-oqibat fransuz fuqarosi bo‘lish men uchun katta sharaf bo‘lardi. Men Braziliyada 18 yil yashaganman, Fransiyada esa allaqachon 13 yildan beri istiqomat qilaman. Shu bois mening katta bir qismim Parij bilan bog‘liq bo‘lishi ajablanarli emas. Farzandlarim shu yerda tug‘ilgan, turmush o‘rtog‘im ham bu yerda, men kelganimdan buyon yonimda. Nega endi Parijda yashashni davom ettirmaslik kerak?
Ammo buning uchun ko‘p narsani o‘ylab ko‘rish lozim: yana necha yil bu yerda to‘p suraman va faoliyatimni yakunlagach ham shu yerda qolamanmi», — deya Markinosning so‘zlarini keltiradi L’Équipe.
Joriy mavsumda himoyachi klub safida barcha musobaqalarda 11 ta uchrashuvda maydonga tushib, bitta gol muallifiga aylangan.
