Марказлашган ВАР тизими Ўзбекистонда илк бор масофадан туриб синовдан ўтказилди
Бу Суперлига 22-тури доирасидаги “Сурхон” — “Машъал” учрашуви бош ҳакамига бевосита ёрдам кўрсатди.
Фото: UzFHM
Миллий футбол марказида жойлашган ВАР марказида илк бор масофадан туриб ишлаш тизими синовдан ўтказилди.
Унда ВАР ва АВАР ҳакамлари инструктурлар билан биргаликда Тошкентдан туриб, Сурхандарёда бўлиб ўтган Суперлига 22-тури доирасидаги “Сурхон” — “Машъал” учрашуви бош ҳакамига бевосита ёрдам кўрсатди.
Бу тажриба орқали марказлашган ВАР тизими реал вақт режимида синаб кўрилди ва ўйиндаги баҳсли вазиятлар Тошкентдаги марказдан туриб бошқарилди.
Мазкур синов келгусида Ўзбекистон футболида замонавий технологияларни янада самарали қўллаш йўлида муҳим қадам бўлди.
Roziqjon Sultonmurodov
Jurnalist