Mario Gyotze «Ayntraxt» bilan shartnomasini uzaytiradi — manba
Tomonlar oʻrtasida tuzilgan amaldagi kelishuv joriy mavsum oxirida yakuniga yetadi.
FOTO: Getty Images
Yarimhimoyachi Mario Gyotze yaqin vaqt ichida Frankfurtning «Ayntraxt» klubi bilan amaldagi kelishuvini uzaytiradi. Bu haqda insayder va jurnalist Florian Plettenberg xabar bermoqda.
Manbaga ko‘ra, futbolchi klub bilan 2027 yilning yoziga qadar mo‘ljallangan yangi mehnat shartnomasi shartlarini kelishib olgan. Tomonlar barcha masalalar bo‘yicha og‘zaki kelishuvga erishishgan, kelgusi kunlarda esa shartnoma imzolangani haqida rasman e’lon qilinishi kutilmoqda.
Joriy mavsumda Mario Gyotze klub safida barcha turnirlar doirasida 26 ta o‘yinda maydonga tushib, 2 ta golli uzatmani amalga oshirdi. Futbolchining amaldagi shartnomasi 2026 yilning iyunigacha davom etishi belgilangan edi.
Nasrullo Karimov
Jurnalist