Maradona muxlislari sobiq futbolchining o'limida ayblanayotgan shifokorga hujum qilishdi
FOTO: Getty Images
Argentina terma jamoasi sobiq futbolchisi Diyego Maradonaning muxlislari futbolchini o'limida ayblanayotgan shifokor Leopoldo Lukega hujum qilishdi. Bu haqda TN nashri xabar bermoqda.
Manbaga ko'ra, muxlislar sud binosi oldida Lukaning boshiga bayroq bilan urishgan.
Qayd etilishicha, sud 192 nafar guvohni tinglashi, tibbiy ko'rik va xulosalar, audioyozuvlar va shifokorlarning yozishmalarini o'rganishi kerak bo'ladi.
Avvalroq yetti nafar shifokor va hamshira Diyego Maradonaning o'limiga aloqadorlikda ayblanib sudga olib kelingandi. Shifokorlar 25 yilgacha ozodlikdan mahrum qilinishi mumkin.
Eslatib o'tamiz, Maradona 2020-yilning 25-noyabr sanasida Tigredagi uyida miyokard infarktidan vafot etgandi.
Nasrullo Karimov
Jurnalist