Manuel Noyer jarohat sabab Finlandiyaga qarshi o‘yinni o‘tkazib yuboradi
Germaniya milliy terma jamoasi bosh murabbiyi Yulian Nagelsmann darvozabon Manuel Noyer boldir mushagidagi jarohat tufayli Finlandiyaga qarshi o‘rtoqlik uchrashuvida maydonga tusha olmasligini ma’lum qildi. Mazkur bahs yakshanba, 31 may kuni bo‘lib o‘tadi.
«Biz murabbiylar shtabi bilan birgalikda uning hozircha o‘ynamasligi borasida qaror qabul qildik. Voqealar rivojini tezlashtirishdan hech qanday maʼno yo‘q. Jarohat sababli ortiqcha xavotirga yo‘l qo‘ymay, vaziyatni barqaror ushlab turishni istaymiz. Ushbu qaror haqida futbolchining o‘ziga ham ma’lum qildik va u buni to‘liq qo‘llab-quvvatladi», — dedi Nagelsmann.
Yakunlanayotgan mavsumda Manuel Noyer klub miqyosida barcha turnirlar doirasida 37 ta uchrashuvda maydonga tushib, ularning 11 tasida o‘z darvozasi daxlsizligini saqlab qolishga muvaffaq bo‘ldi.
